ນ້ອງນອ້ຍນັກຮຽນອະນຸບານບ້ານເກົ່າໄດ້ມີໂຮງຮຽນຊົມໃຊ້ແລ້ວ
ໂດຍ : ພັດທະນາຊຸມຊົນຄົນເຊກອງ
ໃນວັນທີ 25 ເມສາ 2014 ຜ່ານມານີ້ ຢູ່ທີບ້ານເກົ່າເມືອງດາກຈຶງແຂວງເຊກອງຕາມການສຳພາດທ່ານທອງແພງຜູ້ອຳນວຍການໂຮງຮຽນປະຖົມບ້ານເກົ່າທ່ານໄດ້ໃຫ້ຮູ້ວ່າບ້ານເກົ່າແມ່ນບ້ານໜຶ່ງທີຢູ່ໃນເທດສະບານເມືອງດາກຈຶງ,ປະກອບມີເດັກໃນເກນອາຍຸອະນຸບານ ຈຳນວນຫລວງຫຼາຍຈົນເຮັດໃຫ້ທາງໂຮງຮຽນບໍມີໂຮງຮຽນຮອງຮັບນັກຮຽນພຽງພໍ ຈົນເຮັດໃຫ້ນ້ອງນ້ອຍນັກຮຽນບໍ່ໄດ້ເຂົ້າໂຮງຮຽນ ແລະໄປຮຽນຢູ່ບ້ານໃກ້ຄຽງຫຼາຍພໍສົມຄວນ ສວນນັກຮຽນໃນບ້ານທັງໝັດແມ່ນມີທັງໝົດ206 ຄົນ,ຍິງ105 ຄົນ ມີ6 ຊັ້ນຮຽນແຕ່ອະນຸບານຈົນເຖິງປະຖົມປີທີ 5,ແຕ່ລະຫ້ອງແມ່ນມີນັກຮຽນຫຼາຍກວ່າທີມາດຕະຖານຂອງກະຊວງສຶກສາທິການ ແລະ ກິລາ ວາງອອກຫ້ອງໜຶ່ງແມ່ນ 45 ຄົນ. ເຮັດໃຫ້ການຮຽນການສອນພົບຄວາມຫຍຸ້ງຍາກພໍສົມຄວນ.
ການກໍ່ສ້າງໂຮງຮຽນອະນຸບານບ້ານເກົ່າແມ່ນໄດ້ເລີມແຕ່ວັນທີ10 ມີນາ 2013 ແລະມາຮອດປະຈຸບັນແມ່ນໄດ້ສຳເລັດ 100 % ໂຮງຮຽນຫລັງດັ່ງກ່າວແມ່ນອາຄານເຄິ່ງຖາວອນມຸ້ງດ້ວຍສັງກະສີສີ່ຂຽວ,ແອ້ມແອວດວ້ຍຝາສີມັງແລະໄມ້ແປ້ນສີຂາວ ,ພື້ນເບຕົງເສີ່ມເຫຼັກ,ການກໍ່ສ້າງແມ່ນທຶນສົມທົບລະຫວ່າງເຈົ້າຂອງໂຄງການກັບທຶນໂຄງການກອງທຶນຫຼຸດຜ່ອນຄວາມທຸກຍາກ ( ທລຍ ) ເຊິ່ງເປັນມູນຄ່າທັງໝົດ434,114,080 ກີບ : ໃນນັ້ນແມ່ນມີທຶນຈາກທລຍແມ່ນມມີມູນຄ່າ396,670,356 ກີບ ແລະເຈົ້າຂອງໂຄງການກໍ່ແມ່ນປະຊາຊົນບ້ານເກົ່າມີທຶນສົມທົບທາງດ້ານແຮງງານ ແລະ ວັດຖຸທ້ອງຖິ່ນ ໃນມູນຄ່າ 37,443,724 ກີບ.
ນາຍບ້ານໆເກົ່າໃຫ້ຮູ້ວ່າ: “ກອ່ນທີບ້ານຈະໄດ້ຮັບໂຄງການກໍສ້າງໂຮງຮຽນອະນຸບານຫລັງນີ້ ແມ່ນປະຊາຊົນພາຍໃນບ້ານໄດ້ຮ່ວມກັນວາງແຜນ ແລະ ຕັດສິນໃຈເອົາການກໍ່ສ້າງໂຮງຮຽນອະນຸບານເປັນບຸລິມະສິດທີ່ໜຶ່ງ ເພື່ອແກ້ໄຂບັນຫາການຂາດແຄນການເຂົ້າໂຮງຮຽນຂອງເດັກນ້ອຍໃນເກນອາຍຸເຂົ້າໂຮງຮຽນ.
ແຕ່ບໍ່ທັນມີໂຮງອະນຸບານພໍ່ແມ່ປາຊາຊົນແມ່ນມີບັນຫາກຽ່ວກັບການເອົາລູກໄປຝາກຮຽນອະນຸບານຢູ່ໄກອັນເຮັດເສຍເວລາໃນການໄປເຮັດວຽກກິດຈະກຳສ້າງລາຍຮັບ,ບໍ່ສະດວກໃນການເຮັດຮົ້ວສ່ວນ ຍອ້ນວ່າບໍໄດ້ເອົາລູກໄປຝາກຢູ່ໂຮງຮຽນອະນຸບານເພາະບໍມີໂຮງຮຽນອະນຸບານພຽງພໍ. ແຕ່ພໍຢູ່ບ້ານໄດ້ທຶນການກໍ່ສ້າງໂຮງຮຽນອະນຸບ້ານຫລັງນີ້ແລ້ວ ປະຊາຊົນບ້ານຂອງພວກຂ້າພະເຈົ້າກໍ່ດີໃຈຫຼາຍເພາະພັກ-ລັດ ກໍຄື ທລຍ ຍາມໃດກໍໄດ້ເອົາໃຈໃສ່ສົ່ງເສີມການສຶກສາມາຕະຫລອດ ສະນັ້ນ ໂຮງຮຽນຫລັງນີ້ຈະເຮັດໃຫ້ພວກຂ້າພະເຈົ້າສະດວກສະບາຍໃນການເອົາລູກຮຽນໜັງສືໃຫ້ສົມກັບຄຳເວົ້າ: ເດັກແມ່ນອະນາຄົນຂອງຊາດ ທາງອຳນາດການປົກຄອງບ້ານຍັງໄດ້ໃຫ້ຮູ້ຕືມອີກວ່າ:ພາຍຫຼັງເລັດການກໍ່ສ້າງຄາດວ່ານັກຮຽນຈະເພີມຂຶ້ນຈາກ 56 ຄົນມາເປັນ 95 ຄົນ ໃນສົກຮຽນປີ 2014 – 2015 ແລະ ຈະບໍແອອັດຄືແຕ່ກ່ອນ ເຮັດໃຫ້ເດັກນ້ອຍຢາກຮຽນຫຼາຍຂຶ້ນແລະທາງບ້ານມີແຜນໃນການຕິດຕາມກວດກາໂຮງຮຽນເປັນປະຈຳທຸກໆເດືອນເພື່ອບໍໃຫ້ມີການເປ່ເພພ້ອມທັງສ້າງກອງທຶນບູລະນະສອ້ມແປງໄວ້ໃຫ້ເຂັ້ມແຂງ ເພື່ອເຮັດໃຫ້ໂຮງຮຽນຫລັງດັ່ງກ່າວມີຄວາມຍືນຍົງ ໃຫ້ລູກຫຼານໄດ້ນໍາໃຊ້ໄດ້ຢ່າງຍາວນານ.
