Posting Date:
18 May 2021
ສຳເລັດການຝຶກອົບຮົມໃຫ້ ຄະນະ ກຊກ ແລະ ຄບກ
ເພື່ອສ້າງຄວາມເຂັ້ມແຂງ ໃຫ້ຄວາມຮູ້ແກ່ ຄະນະ ກຊກ ແລະ ຄບກ ຮູ້ຈັກລົງບັນຊີ ແລະ ຄຸ້ມຄອງລະບົບບັນຊີ ກຸ່ມຂອງເຂົາເຈົ້າ ໂດຍໄດ້ເນັ້ນນໍາພາປະຕິບັດກິດຈະກໍາຕົວຈິງ ໂດຍສະເພາະແມ່ນ ການລົງບັນຊີຂອງກຸ່ມຕ່າງໆ ໃຫ້ຖືກຕ້ອງຕາມລະບຽບ, ຫຼັກການທີ່ວາງອອກ ພ້ອມທັງສາມາດບໍລິຫານເງິນດ້ວຍເອງ.
ໃນລະຫວ່າງ ກາງເດືອນ ມີນາ ຫາ ຕົ້ນເດືອນພຶດສະພາ 2021 ນີ້ ກອງທຶນຫຼຸດຜ່ອນຄວາມທຸກຍາກ ເມືອງຄໍາ, ແຂວງຊຽງຂວາງ ໄດ້ລົງຝຶກອົບຮົມໃຫ້ ກຸ່ມຊ່ວຍເຫຼືອກັນແກ້ໄຂຄວາມທຸກຍາກ (ກຊກ) ແລະ ຄະນະບໍລິຫານກອງທຶນບ້ານ (ຄບກ) ຢູ່ 29 ບ້ານ ສຳເລັດຢ່າງເປັນຮູບປະທໍາ, ມີຜູ້ເຂົ້າຮ່ວມທັງໝົດ 393 ຄົນ, ຍິງ 345 ຄົນ, ຊົນເຜົ່າ 81 ຄົນ.
Attachment:
